"66 mıllıon jyl buryn Iýpıterdiń gravıtasıalyq órisi saldarynan Jersharyǵa soǵylǵan kometa dınozavrlardy joıyp jibergen. Ol asteroıd emes, kometa" deıdi Garvard ýnıversıtetindegi bir top ǵalymdar.

Garvard ýnıversıtetiniń zertteýshileri Kún júıesine, onyń ishinde Oort bultyndaǵy kometalarǵa jáne olardyń mıllıondaǵan jyldardaǵy qozǵalysyna nazar aýdardy.

Olar Kún júıesiniń osy muzdy aımaǵyndaǵy obektilerdiń edáýir bóligi Iýpıterdiń gravıtasıalyq órisi saldarynan "baǵytynan" aýytqyp, Jerge soǵylýy múmkin ekenin anyqtady. Astronomdar keıbir kometalardyń Kúnniń janynda ydyraýy múmkin ekenin jarıalady. Iýpıter kometalardy kúnge qaraı "laqtyrady", sodan keıin olar jylýdyń sebebinen ydyraıdy. Paıda bolǵan túrli kúshter olardyń baǵytyn ózgertýge sebep bolady jáne olardyń Jerge soǵylý yqtımaldyǵyn arttyrady.

Garvard ǵalymdary Kún júıesiniń tarıhyna kóz júgirtip, komanda kometanyń orbıtasy 66 mıllıon jyl buryn dınozavrlardyń joıylý áserimen sáıkes keletindigin anyqtady. 66 mıllıon jyl buryn "Chıksýlýb ımpektory" Meksıkanyń jaǵalaýynda eni 94 mıl jáne 12 mıl tereńdiktegi oıpat qalyptastyryp, dınozavrlar men sol kezdegi Jerdegi barlyq tirshiliktiń tórtten úshin joıyp jibergen.

Buryn ǵalymdar "Jerge asteroıd soǵylǵan" dep boljaǵan, biraq Garvard komandasy Oort bultty kometa orbıtasy Chıksýlýbtyń soqqysymen sáıkes keledi dep tapty.